Conhecimento Fórum • wissen-3.de

Conhecimento Fórum • Das buch Josua 15 • Luther Bibel 1545 Unrevidiert

 

Conhecimento Fórum
 
Conhecimento Fórum • pt-br - Português Brasileiro • wissen-3.de     pt-br • Português Brasileiro  Deutsch |  American |  Français |  Italiano |  Português |  简体中文 

Bem-vindo: Segunda-feira 29. Abril 2024, 18:14

Novos tópicos | Novas mensagens


wissen-3.de » Luther Bibel 1545 - Unrevidiert » Altes Testament - Luther Bibel 1545 » Buch Josua



Criar novo tópico Este tópico está trancado. Você não pode responder ou editar mensagens.  Página 1 de 1
  [ 1 mensagem ] 
  Exibir página para impressão Exibir tópico anterior | Exibir próximo tópico 
Autor Mensagem
Eriton
 Título: Das buch Josua 15 • Luther Bibel 1545 Unrevidiert
MensagemEnviado: Quarta-feira 6. Dezembro 2023, 21:07 
Offline

Registrado em: Terça-feira 22. Maio 2018, 00:16
Mensagens: 1525
Das buch Josua 15 • Luther Bibel 1545 Unrevidiert

Das buch Josua.

Capitel 15

DAS los des stams der kinder Juda vnter jren Geschlechten / war die grentze Edom an der wüsten Zin / die gegen mittag stösst an der ecken der mittags Lender /
2 Das jr mittags grentze waren von der ecken an dem Saltzmeer / das ist / von der zungen die gegen mittag werts gehet /
3 Vnd kompt hinaus von dannen hinauff zu Akrabbim / vnd gehet durch Zin / vnd gehet aber hinauff von mittag werts gegen KadesBarnea / vnd gehet durch Hezron / vnd gehet hinauff gen Adar vnd lencket sich vmb Karkaa /
4 vnd gehet durch Azmon / vnd kompt hinaus an den bach Egypti / das das ende der grentze das Meer wird / Das sey ewr grentze gegen Mittag. Num. 34.
5 ABer die Morgen grentze ist von dem Saltzmeer an / bis an des Jordans ende. DJE grentze gegen Mitternacht ist von der zungen des Meers die am ort des Jordans ist /
6 vnd gehet erauff gen BethHagla / vnd zeucht sich von mitternacht werts gen BethAraba / vnd kompt erauff zum stein Bohen des sons Ruben.
7 Vnd gehet erauff gen Debir vom tal Achor / vnd von dem mitternachts ort / der gegen Gilgal sihet / welche ligt gegen vber zu Adumim hinauff / die vom mittag werts am wasser ligt / Darnach gehet sie zu dem wasser EnSemes / vnd kompt hinaus zum brun Rogel.
8 Darnach gehet sie erauff zum tal des sons Hinnam / an der seiten her des Jebusiters / der von mittag werts wonet / das ist Jerusalem / vnd kompt erauff auff die spitze des berges / der fur dem tal Hinnam ligt von abend werts / welcher stösst an die ecke des tals Raphaim gegen mitternacht zu.
9 Darnach kompt sie von desselben berges spitzen zu dem wasser brun Nephthoah / vnd kompt eraus zu den stedten des gebirges Ephron / vnd neiget sich gen Baala / das ist KiriathJearim.
10 Vnd lencket sich erumb von Baala gegen dem abend zum gebirge Seir / vnd gehet an der seiten her des gebirges Jearim von mitternacht werts / das ist Chessalon / vnd kompt erab gen BethSemes / vnd gehet durch Thimna /
11 Vnd bricht eraus an der seiten Ekron her gegen mitternacht werts / vnd zeucht sich gen Sichron / vnd gehet vber den berg Baala / vnd kompt eraus gen Jabneel / das jr letzts ist das Meer.
12 DJE grentze aber gegen Abend ist das grosse Meer / Das ist die grentze der kinder Juda vmbher in jren Geschlechten.
13 CAleb aber dem son Jephunne ward sein Teil gegeben vnter den kindern Juda / nach dem der HERR Josua befalh / nemlich / die KiriathArba / des vaters Enak / das ist Hebron.
14 Vnd Caleb vertreib von dannen die drey söne Enak / Sesai / Ahiman / vnd Thalmai / geboren von Enak.
15 Vnd zoch von dannen hinauff zu den einwonern Debir / Debir aber hies vorzeiten KiriathSepher.
16 Vnd Caleb sprach / Wer KiriathSepher schlegt vnd gewinnet / dem wil ich meine tochter Achsa zum weibe geben.
17 Da gewan sie Athniel der son Kenas des Bruders Caleb / Vnd er gab jm seine tochter Achsa zum weibe. Jud. 1.
18 VND es begab sich da sie einzoch / ward jr geraten einen Acker zu foddern von jrem Vater / vnd sie fiel vom Esel. Da sprach Caleb zu jr / Was ist dir?
19 Sie sprach / Gib mir einen Segen / denn du hast mir ein mittags Land gegeben / Gib mir auch Wasserquelle / Da gab er jr quelle oben vnd vnten.
20 Dis ist das Erbteil des stams der kinder Juda vnter jren Geschlechten.
21 VND die stedte des stams der kinder Juda / von einer ecken zu der andern / an der grentze der Edomiter gegen mittag / waren diese / Kapzeel / Eder / Jagur /
22 Kina / Dimona / AdAda /
23 Kedes / Hazor / Jthnan /
24 Siph / Telem / Bealoth /
25 HazorHadata / Kirioth Hezron / das ist / Hazor.
26 Amam / Sema / Molada /
27 HazarGadda / Hesinon / BethPalet /
28 HazarSual / BeerSeba / Bis iothJa /
29 Baela / Jijm / Azem /
30 Eldolad / Chesil / Harma /
31 Ziklag / Madmanna / SanSanna /
32 Lebaoth / Silhim / Ain / Rimon / Das sind neun vnd zwenzig Stedte vnd jre dörffer.
33 JN den Gründen aber war / Esthaol / Zarea / Asna /
34 Sanoah / EnGanim Thapuah / Enam /
35 Jarmuth / Adullam / Socho / Aseka /
36 Saeraim / Adithaim Gedera / Giderothaim / Das sind vierzehen Stedte vnd jre dörffer.
37 ZEnan / Hadasa / MigdalGad /
38 Dilean / Mizpe / Jakthiel /
39 Lachis / Bazekath / Eglon /
40 Chabon / Lahmam / Cithlis /
41 Gederoth / Beth- Dagon / Naema / Makeda / Das sind sechzehen Stedte vnd jre dörffer.
42 LJbna / Ether / Asan /
43 Jephthah / Asna / Nezib /
44 Regila / Achsib / Maresa / Das sind neun stedte vnd jre dörffer.
45 Ekron mit jren töchtern vnd dörffern.
46 Von Ekron vnd ans Meer / alles was an Asdod langet vnd jre dörffer.
47 Asdod mit jren töchtern vnd dörffern. Gasa mir jren töchtern vnd dörffern / bis an das wasser Egypti / vnd das grosse meer ist seine grentze.
48 AVff dem Gebirge aber war Samir / Jathir / Socho /
49 Danna / KiriathSanna / das ist Debir /
50 Anab / Esthemo / Anim /
51 Gosen / Holon / Gilo / Das sind eilff Stedte vnd jre dörffer.
52 ARab / Duma / Esean /
53 Janum / BethThapuah / Apheka /
54 Humta / KiriathArba / das ist / Hebron / Zior / Das sind neun stedte vnd jre dörffer.
55 Maon / Carmel / Siph / Juta /
56 Jesreel / Jakdeam / Sanoah /
57 Kain / Gibea / Thimna / Das sind zehen stedte vnd jre dörffer.
58 Halhul / Bethzur / Gedor /
59 Maarath / BethAnoth / Elthekon / Das sind sechs Stedte vnd jre dörffer
60 KiriathBaal das ist KiriathJearim / Harabba / zwo Stedte vnd jre dörffer.
61 JN der wüsten aber war BethAraba / Middin / Sechacha /
62 Nibsan vnd die Saltzstad / vnd Engeddi / Das sind sechs Stedte vnd jre dörffer.
63 DJe Jebusiter aber woneten zu Jerusalem / vnd die kinder Juda kundten sie nicht vertreiben (1) / Also blieben die Jebusiter mit den kindern Juda zu Jerusalem bis auff
diesen tag. 2. Reg. 5.


~~~~~~~~~~~~~~~~~~~~~~~~~~~~~~~~~~~~~


(1) Dauid hats ernach vertrieben. 2. Sam. 5.
Voltar ao topo
 Perfil  
 
Exibir mensagens anteriores:  Ordenar por  
Criar novo tópico Este tópico está trancado. Você não pode responder ou editar mensagens.  Página 1 de 1
  [ 1 mensagem ] 

wissen-3.de » Luther Bibel 1545 - Unrevidiert » Altes Testament - Luther Bibel 1545 » Buch Josua

Quem está online

Usuários navegando neste fórum: Nenhum usuário registrado e 1 visitante

Enviar mensagens: Proibido
Responder mensagens: Proibido
Editar mensagens: Proibido
Excluir mensagens: Proibido
Enviar anexos: Proibido

Procurar por:


 

Wahrsagen
Hilfe bei Liebeskummer

www.miomai.de


 

Kartenlegen

lenormando.de


 

Berlin Wahrsagen Privat



Berlin |  Hamburg |  Leipzig |  Wuppertal |  Augsburg |  Freiburg |  Leverkusen |  Trier |  Mainz
Hannover |  Stuttgart |  Würzburg |  Essen |  Bochum |  Solingen |  Bonn |  Dortmund |  Frankfurt
Mannheim |  Düsseldorf |  Wiesbaden |  Nürnberg |  Dresden |  Duisburg |  Köln |  Aachen |  Bremen


 
wissen-3.de |  imprimir  |  contato  |  outras línguas | 



Powered by phpBB® Forum Software © phpBB Group
Traduzido por: Suporte phpBB